Hona hemen gure planteamenduaren zati bat.
2. Sarrera
2.1 Justifikazioa
Neurriak orokorrean azalduko ditugu, umeek oinarri bat edukitzeko hurrengo kurtsoetan eta haien ohiko bizitzara aplikatu ahal izateko baliabide hau. Informazio hori kontuan hartuta lortu nahi dugu umeen adimena eta neurriak lantzeko erraztasuna garatzea, eta aldi berean forma logikoan pentsatzea.
Landuko dugun gaia zeharkakoa da, hainbat ikasgaietan erabiltzen delako, hala nola: gizarte-zientzietan, matematiketan eta natur-zientzietan. Gure unitate didaktikoa matematiketan oinarrituta egon arren, eta neurriak erabili ez ezik, dentsitatea hartu dugu abiapuntu eta horregatik gure helburu garrantzitsuena Añanako Gatzagetara joatea da.
Jarduera bakoitzak helburu bat dauka, non eduki zehatzekin lan egingo da, baina guztiak lortu nahi dute helburu berdina. Hau da, dentsitatearen ideia guztiz ulertzea eta jakitea. Jarduerak egiten diren bitartean kontzeptu horren ulermena garatzea lortu nahi da.
Proposatutako unitate didaktikoan ikasleekin sortutako erronkak ebaztea dugu helburu. Modu horretan, curriculumean aipatzen diren eman beharreko gaiekin lan egingo dugu, ikasleen interesa zein beharrak abiapuntu izanda. Harrezkero, landuko ditugun dinamikak klase barruan bai kanpoan egingo dira. Honen helburua da klaseko errutinekin apurtzea eta ikasleei aukera ematea kontzeptu berriei buruz esperimentatzea, landuko diren edukiak hobeto ulertzeko, finkatzeko eta barneratzeko.
Zeharkako zein diziplinako zenbait konpetentziak landuko dira. Horiek unitate didaktikoan zehar aipatu eta azalduko dira, Heziberri (2020) curriculuma jarraituz.
Kurtsoan zehar landuko diren beste kontzeptuekin baita ere erlazionatuko dira neurriak eta dentsitatea. Hau da, neurriak eta dentsitatea klasean landu baino lehen, ingurunearen jasangarritasuna landuko dugu klasean. Kutsaduraren gaiari amaiera emateko hondartzara joango gara zaborra jasotzeko eta bertan dentsitatearen gatazka sortuko da.
2.2 Kokapena
Unitate didaktiko honek Seigarren mailako ikasleentzat egokituta dago. Klasean 25 ikasle daude eta bertatik 3 atzerritarrak dira. Hiru ikasle hauek oso ondo moldatuta daude, duela sei urte etorri zirelako ikastola honetara. Orokorrean gelan giro ona dago, nahiz eta lagun talde ezberdinak egon. Egoera hau hobetzeko helburu ere du gure unitate didaktikoa
Badaude ikasle batzuk motibazio falta dutela eta parte hartze pasiboa daukate orokorrean. Motibazio hori berriro aurkitzea nahi dugu, horretarako dinamika ezberdinak erabiliko ditugu astean zehar, horrela ikusiko zer motatako ariketak motibatzen dituzten gure ikasleak.
Denboralizazioa malgua izango da, nagusiki, zazpi saio izango dira, non bi kanpoko baliabide egongo dira. Lehenengoa gatazka sortzeko eta bigarrena haiek gatza eta dentsitatearen gaia hobeto ulertu ahal izateko.
3. Arazo egoera
3.1 Testuingurua
Neurriak matematikaren atal garrantzitsu bat dira gure curriculumean. Umeek zailtasunak dituzte neurriaren kontzeptua ulertzeko. Arazo hori gertatzen da, neurri mota ezberdinak daudelako, eta horiek modu egokian erabili behar dute. Hala nola: dentsitatea, metroak, kilogramoak, bolumena…
Horretaz aparte, ez dira gai ulertzeko zergatik erabiltzen duten erreminta horiek kasu ezberdinetan. Ildo beretik, ezaugarri horien lanketa egiteko unitate didaktiko bat jorratuko dugu hainbat erronken bitartez baliatuz.
3.2 Arazoa egoera
Arazoa sortu egin da, kontzeptu zailak aipatzerakoan klasean ez dutelako ulertzen. Nahiz eta modu errazenean azaldu, ez dute ulertzen, zer, nola, zergatik… funtzionatzen duten. Bi helburu ditugu, alde batetik, kontaminazioa dela eta, hondartzara joatea planteatu dugu, ikasleek zaborra hartzeko eta haiek kontzientziatzeko, eta modu berdinean gatzaren gaia eta dentsitatearen kontzeptua ezarriko dugu gure klasean.
Dentsitatearen gaia orokorrean egitea adostu dugu, hurrengo kurtsoetan emango duten kontzeptu bat delako eta ez badugu lantzen lehentasunarekin, zailtasunak izango dituzte, dentsitatea garatzen hasten direnean.
3.3 Xedea
Kasu erreal batean oinarritzen den arazoari azalpena ematea. Dentsitatea eta gatzari buruz interesa piztea.
3.4 Ataza
Planteatzen den arazoaren esperimentuak eginez.
4. Konpetentziak
4.1 Zeharkakoak
Ikasten eta pentsatzen ikastea. Heziberrik ematen duen definizioa konpetentzia honi buruz hau da;
Ikasteko eta lan egiteko ohiturak, ikasteko estrategiak eta pentsamendu zorrotza izatea da, ikasitakoa erabili eta beste testuinguru eta egoera batzuetara transferitzea, norberaren ikaskuntza autonomiaz antolatzeko.
Unitate didaktiko honetan ikasleak beste kurtsoetan eta gaietan ikasitakoa aplikatzeko gai izan behar dira. Planteatzen diegun esperimentu eta kasuetan haien aurre-ezagutzak aplikatzera ikasi behar dute. Autonomiarekin pentsatzera bultzatuko diegu. Horregatik, uste dugu, konpetentzia hau lantzeko aukera ezin hobea dela.
Elkarrekin bizitzen ikastea. Heziberrik ematen duen definizioa konpetentzia honi buruz hau da;
Pertsonen arteko, taldeko eta komunitateko egoeretan elkarrekikotasun-irizpideekin parte hartzea da, gainerako pertsonei aitortuz nork bere buruari aitortzen dizkion eskubideak eta betebeharrak, eta horrela, ekarpen bat egitea norberaren eta guztion onari.
Unitate didaktiko honetan ikasleak talde kooperatiboetan landuko dute ia denbora guztia. Guztien ideiak entzuteko prest egotea eta ideia horiek errespetatzea dugu helburu, beraz orokorrean elkarrekin bizitzera ikasiko dute. Gure ustez konpetentzia hau ezinbestekoa da, oso garrantzitsua delako haien etorkizunerako.
